| بدر بن عبد المحسن عبدالرحمن المحمدي |
| بديت باسم الله وخطيت لحروف اسمك يأمير مطرزن مبتداها دونتها يأمير والقصد معروف طيب ومحبة وألوفا مقتضاها رسالة بها مضمون والرمز مكشوف الشاعر اللي مثلكم مايغواها بدر على أسمك من الناس مشيوف لكن ودي نختبر من قراها نعم الأمير اللي من الشعب مألوف أبو خالد أللي كلمته من شداها عنها تحكي المعازيب وضيوف لها رنين ومرتفع مستواها بها اللحن ينساب آلات ودفوف لحن العذوبة ينعمل من حلاها دايم تصفق لك الناس بكفوف هذي شهادة ياكثر من بغاها أخذتها من بين ميات وولوف فيها اجتهدت وربنا لك عطاها لك التحية مرسلة ورد مقطوف يامير وانته قصدها ومنتهاها ما أقولها تهريج أو قصد ملفوف عما بنفسي هاجسي لك بناها حب وكنيته وسط قلب مشغوف من مدة والشرح في محتواها سويتها ياقوت مع در مصفوف راجي من الله يحفظك لشعراها نجم يشع ويا ذخر كل ملهوف هذا مناي ومقصدي من وراها أنت الذي سويت منزال ورفوف ورفعت اسم المملكة في سماها لو أنها من أرض خليتها أتطوف أعلي السحاب وتفرشه من ثراها سار القلم بيديك بالحب محفوف دليل عما تملكه من غلاها عساك تسلم دايم الدوم ماتشوف اللي يعكر صفوها مع صفاها والله يجنب دارنا كل مهيوف من كل شر يفكها ويحماها دار حضنتنا بين الأضلاع والجوف هي استحقت والوفا هون جزاها |