السعـــــــودية
--------------
عبدالرحمن المحمدي
--------------
يــا الله يــا الـلـي كــل مـخلوق يـرجيك ...           يــــا خــالــق الانــسـان لــجـل الـعـبـاده
تــجـعـل عـمـلـنا عــمـل فــيـه نـرضـيـك ...       وتـــزيــدنــا يـــــــارب صـــبـــر وجــــــلاده
وتــقـبـل دعــانــا كــلـنـا يــــوم نـدعـيـك ...       وتــحـفـظ وطــنـا مـــن شـــرور وقـــراده
وانــــــك تــجــنــب دارنـــــا لـلـشـرابـيـك ...     ونـــهــدي ولانـــــا لــلــوطـن والــقــيـاده
يـــــا دارنــــا مــدحــور مــنـهـو يــعـاديـك ...    ومــنـصـور مــــن كــنـتـي ذراه وبــــلاده
انـتـي الـسـعودية عـسـى الله يـبـقيك ...             وفـــي كـــل يـــوم يــزيـد عـــزك زيـــاده
يــحـق لـــي يـــادار يـــوم افـتـخـر فـيـك ...       انــتــي ذرانــــا فــــي ســمـوم وبـــراده
الله يــــرحـــم يـــــــا وطــــنـــا لــبــانـيـك ...     عــبـدالـعـزيـز الــفـيـصـلـي بــاجــتـهـاده
وعـــقــب حــــرارٍ مـاسـكـيـنك بــيـاديـك ...      الـلـي وضـعـوا مـن فـوق صـدرك قـلاده
وحــنــا مـعـاهـم فـــي دمــانـا نـفـاديـك ...         يـــــد بـــيــد يـــديــن شـــعــبٍ وقـــــاده
بـاسـمك عـلـمنا مـرتـفع فـوق اراضـيك ...        مـــع كـلـمـة الـتـوحـيد فــخـر وسـعـاده
حــنــا سـعـوديـين مـــا فــيـه تـشـكـيك ...         رغــمـاً عـــن الـحـسـاد وأهــل الـنـكاده
أهـــل شـعـار أعـطـني لأجــل اعـطـيك ...       يــعـنـي مــصـالـح بـيـنـهـم مـسـتـفـاده
وقـــت الـسـعـه كــلـن يـحـبك ويـغـليك ...        ولا جـــــاء الله، الله قـــربــوا لــلــوسـاده
ثــم صــد عـنك ومـايبي شـيء يـعنيك ...         وســــوا كــأنــه ســابــتٍ فــــي رقـــاده
ان قـلت لـه يـاهوه قـال ايـه مـا اوحيك ...        والـشرهة عـلى الـلي مكنه من زناده
وخـــــلاه يـــرمــي والــرمـايـة تـمـاتـيـك ...    جــبــان ثــــارت طـلـقـته فـــي غــمـاده
وقــــام يـتـلـذع يـحـسـبنه قــتـل ديـــك ...        مـــايـــدري انــــــه مــايــصـوب جـــــراده
ثـعـلـب ضـعـيــف ومـرسـلـينه صـعـاليق ..   . يــعـمـل بــســر ومـتـقـي فـــي كــتـاده
ربـــي كـشـــفه والـقـصد مـنـه لـتــفكيـك ...     لـحـمـت وطــنـا وانـــت مــعـك الــريـاده
تـكـفـى يـــاوال الامـــر فــالأمـر يـعـنـيك ...    بـيـعـه مـــن اول ســومـتٍ فــي مــزاده
لا يـبـتـلـينا وانــــت مــــا عــــاد يـغـثـيك ...    بــــابٍ يــجـيـك بــريـح حـــق انــسـداده
هـــاذي تــراهـا طـلـبتي والامــــل فـيـك ...   عــــســـاك تـــســلــم يـــاقـــوي الإراده
وعــنـدي ثــبـوت لــمـا ذكـرتـه ويـكـفيك ...   عــيـبـه عــلــي ان مـاثـبـت بـاسـتـناده
عسى الله ينصرك وعلى الحق يهديك ...        وتــصـحـح الــلـي صـــار قــبـل ارتـــداده
عـلـى مــن يـحـبك ومــن كــان يـرجيك ...    مــــن قــبــل مـايـنـفـع بــيــوم الإعـــادة
حــقـك عـلـيـنا مــن رأى شــي يـنـبيك ...      والامــــر والـتـصـريـف مــنــك اعــتـمـاده
وانـــا اجـتـهدت ومـخـلصاً مــن مـحـبيك ... ولا يــــــلام الـــمـــرء بـــعـــد اجــتــهـاده
واســلـم وســلـم والـسـلامـه تـبـاريـك ...      مـــنـــيــن مـــاوجــهــت دف الـــقــيــاده
عــسـى الله عــنـا والاســـلام يـجـزيـك ...    يـــاخــادم الـبـيـتـيـن لأجـــــل الــعـبـادة
لــــو جــيـنـا نــشـكـر مــاقـدرنـا نـوفـيـك ... عـسى الله يـمدك بـالشكر مـن مداده
وصــــلاة ربــي كــــل مــاحـل طــاريـك ... يـامـحـمـد الـمـبـعـوث رمــــز الـشـهـاده